COVID-19 (நாவல் கொரோனாவைரஸ்) - வாஷிங்டன் மாகாணத்திலுள்ள தகவல்கள், சேவைகள் மற்றும் ஆதாரங்கள்

COVID-19 நேரடி தொலைபேசி: தொழிலாளர்கள், வணிகங்கள், தடுப்பூசி நியமனங்கள் மற்றும் பலவற்றிற்கான உதவி

COVID-19 பற்றி உங்களுக்கு கேள்விகள் இருந்தால் அல்லது தடுப்பூசி நியமனம் மேற்கொள்ள உதவி தேவைப்பட்டால், தயவுசெய்து 1-800-525-0127 ஐ அழைத்து # ஐ அழுத்தவும். அவர்கள் பதிலளிக்கும்போது, உரைப்பெயற்க்கும் சேவைகளை அணுக உங்கள் மொழியைக் கூறுங்கள். தினமும் நேரடி தொலைபேசி சேவை திறந்திருக்கும் மற்றும் அதன் நேரம் Department of Health’s இணையதளத்தில் பட்டியலிடப்பட்டுள்ளது (ஆங்கிலத்தில் மட்டுமே).

வணிக மீறலைப் புகாரளிக்கவும்

ஊழியர்கள் மற்றும் வாடிக்கையாளர்களுக்கு பொருத்தமான சுகாதார மற்றும் பாதுகாப்பு நடவடிக்கைகளை வணிக நிறுவனங்கள் பின்பற்ற வேண்டும். மீறலைப் புகாரளிக்க விரும்பினால், உதவிக்கு தயவுசெய்து மேலே உள்ள COVID-19 நேரடி தொலைபேசி எண்ணை உங்கள் மொழி மூலம் அழைக்கவும். மீறல் குறித்து யாராவது ஒருவர் உங்களிடம் கேள்விகளைக் கேட்பார்கள், மேலும் உங்கள் சார்பில் புகாரை சமர்ப்பிப்பார்கள். புகாரைச் சமர்ப்பிக்க உங்கள் பெயர் அல்லது தொடர்புத் தகவலைப் பகிர வேண்டிய அவசியமில்லை.

COVID-19 மீறல் பக்கத்திலுள்ள அறிக்கையில் நீங்கள் ஆங்கிலத்தில் புகார் அளிக்கலாம்.

உங்கள் பெயர் அல்லது தொடர்புத் தகவலை நீங்கள் வழங்கினால், பொது பதிவுக்காக அந்த தகவலைக் கேட்டு யாராவது கோரிக்கைத் தாக்கல் செய்தால், அது வெளிப்படுத்தப்படலாம் என்பதை தயவுசெய்து நினைவில் கொள்க. ஆளுநரின் தனியுரிமை அறிவிப்பில் விவரிக்கப்பட்டுள்ள பதிவுகள் (ஆங்கிலத்தில் மட்டுமே) மாநில பொது பதிவுச் சட்டம், RCW 42.56 இன் கீழ் தேவைக்கேற்ப வெளியிடப்படும்.

தொழிலாளர்கள், வணிகங்கள் மற்றும் அமைப்புகளுக்கு கூடுதல் உதவி

மொழிபெயர்ப்பு சேவைகளைப் பயன்படுத்தி, நேரடி தொலைபேசி அழைப்பு உங்களை பொதுவான வழிகாட்டுதலுக்கும் ஆதரவுகளுக்கும் வழிநடத்தும். உங்களுக்கு கூடுதல் கேள்விகள் இருந்தால், COVID-19 வணிக மற்றும் பணியாளர் விசாரணை படிவத்தை நிரப்பவிபரம் அவர்கள் உங்களுக்கு உதவுவார்கள். உங்களிடம் தொடர்புத் தகவல் கேட்கப்படும், அதன்மூலம் நீங்கள் பதிலைப் பெறலாம்.

கொரொனா வைரஸ் (Covid-19) தடுப்பு மருந்து

COVID-19 தடுப்பூசிகளைப் பற்றிய கூடுதல் தகவலுக்கு, தயவு செய்து எங்கள் COVID-19 தடுப்பூசி பக்கம் ஐப் பார்வையிடவும்

WA Notify வெளிப்பாடு அறிவிப்புகள் ஸ்மார்ட்ஃபோன் செயலி

WA Notify குறித்தும் உங்கள் தொலைபேசியில் அதை எவ்வாறு சேர்ப்பது என்பது உள்ளிட்ட தகவல்களை மேலும் அறிய விரும்பினால், WANotify.org ஐப் பார்வையிடவும்

வேலைவாய்ப்பு & தொழில்கள் தொடர்பான வாய்ப்பு வளங்கள்

வேலையின்மை பலன்கள்

உங்கள் வேலையை இழந்துவிட்டால், உங்களுக்கு வேலையின்மை பலன்களுக்கு தகுதி இருக்கக்கூடும். வேலையின்மை பலன்களைக் கோரும் படிவத்தை நிரப்புவதில் உங்களுக்கு தகவல் தேவையெனில், நீங்கள் 1-800-318-6022 என்ற எண்ணை அழைக்கலாம். அவர்கள் பதிலளிக்கையில், உங்கள் மொழியைச் சொல்லி மொழிபெயர்ப்பு சேவைகளைப் பெறலாம்.

தொழிலாளிகளும் தொழில் உரிமையாளர்களும்

கொரோனாவைரஸ் தீவிர தொற்றினால் நமது மாகாணத்தில் பல நூறாயிரக்கணக்கான பணியாளர்களும் தொழில் உரிமையாளர்களும் பாதிக்கப்பட்டுள்ளனர்.

தொழிலாளர்களை பாதுகாப்பாக வைத்திருக்க தொழில் உரிமையாளர்கள் செய்யவேண்டியது:

  • தொழிலாளிகள் புரிந்துகொள்ளக்கூடிய மொழியில் COVID-19 தொற்று குறியீடுகள் மற்றும் அறிகுறிகளை அவர்களுக்கு கற்பிக்கவும்.
  • ஒரு சமூக இடைவெளி திட்டத்தை செயல்படுத்தவும்.
  • அடிக்கடி சுத்தப்படுத்தல் மற்றும் சுத்திகரித்தலை நடத்தவும்.
  • அடிக்கடியும் முறையாகவும் கைகளைக் கழுவுவதை உறுதிப்படுத்தவும்.
  • நோய்வாய்ப்பட்ட தொழிலாளிகள் வீட்டில் இருப்பதை உறுதிபடுத்தவும்.

ஊதியத்தோடு நோய்க்கால விடுப்பு, தொழிலாளர்களின் இழப்பீடு மற்றும் பணியிட பாதுகாப்பு தேவைகளின் சுருக்கம் பற்றிய பொதுவான கேள்விகளுக்கான பதில்கள் Department of Labor & Industries (தொழிலாளர் மற்றும் தொழில் துறை)யில் பல மொழிகளில் கிடைக்கின்றன.

உங்கள் பணியிட பாதுகாப்பு குறித்து உங்களுக்குக் கவலையிருந்தால், Department of Labor & Industriesஐ நேரடியாக 800-423-7233 என்ற எண்ணில் அழைத்து புகாரைப் பதிவுசெய்யலாம். தொலைபேசி மொழிபெயர்ப்பு வசதிகள் உள்ளன.

COVID-19 தொற்றுகாலத்தில் உங்கள் தொழில் மற்றும் தொழிலாளிகள் பற்றிய கேள்விகள் இருப்பின், வேலைவாய்ப்பு பாதுகாப்புத்துறையை 855-829-9243 என்ற எண்ணில் அழைக்கலாம்.

உடல் நலம் மற்றும் மருத்துவ காப்பீட்டு வாய்ப்புகள்

இலவச அல்லது குறைந்த செலவிலான மருத்துவக் காப்பீட்டுக்கு நீங்கள் தகுதிபெறலாம். 1-855-923-4633 என்ற எண்ணில் Health Care Authority யை அழைக்கவும். அவர்கள் பதிலளிக்கையில், உங்கள் மொழியைச் சொல்லி மொழிபெயர்ப்பு சேவைகளைப் பெறலாம்.

Alien Emergency Medical (AEM) பாதுகாப்பு என்பது அவசர மருத்துவ உதவி தேவைப்படும் குடியுரிமை அல்லது குடியேறுகைக்கான தேவைகளை பூர்த்திசெய்யாதோர் அல்லது 5 ஆண்டு தடுப்புக்காலம் பூர்த்தியாகாத தகுதிபெறும் தனி நபர்களுக்கான திட்டமாகும்.

நீங்கள் தகுதிபெறும் வெவ்வேறு உடல் நலத் திட்டங்கள் மற்றும் சேவைகளை அடையாளம் காணவும் விண்ணப்பிக்க உதவவும் 1-800-322-2588 என்ற பிரத்யேக எண்ணில் Help Me Grow வாஷிங்டனை அழைக்கலாம். இதில் அடங்குபவை:

  • WIC (பெண்கள், கைக்குழந்தைகள் & குழந்தைகள் ஊட்டச்சத்து திட்டம்)
  • குழந்தைகள், கர்ப்பிணிப் பெண்கள் மற்றும் வயதுவந்தோருக்கான மருத்துவக் காப்பீடு
  • பொறுப்பேற்கும் திட்டத்தின் மூலம் பிறப்புக் கட்டுப்பாடு
  • உடல் நலம் மற்றும் குடும்பக் கட்டுப்பாட்டு மருத்துவமனைகள்
  • கர்ப்ப காலத்தில் மற்றும் குழந்தைக்கு தேவையானவை
  • தாய்ப்பாலூட்டலுக்கான உதவி
  • இதில் உணவுத் திட்டங்களும் ஆதார வளங்களும் உள்ளன. 
குடியேறியோர் மற்றும் அகதிக்கான தகவல்கள்

COVID-19 மற்றும் குடிபுகுபவர் கவலைகள் பற்றிய முக்கிய உண்மை விவரங்களைப் Office of Immigrant and Refugee Affairs (புலம்பெயர்ந்தோர் மற்றும் அகதிகள் விவகாரங்கள் அலுவலகம்) (OIRA) குடிபுகுபவர்களுக்கு உதவுகிறது. தெரிந்துகொள்ள வேண்டிய மற்ற சில விஷயங்கள்:

  • மருத்துவமனைகளும் மருந்து இல்லங்களும் குடியுரிமை அல்லது குடியேற்ற நிலைகள் குறித்து ICE-யுடன் பகிர அனுமதியில்லை.
  • COVID-19 தொற்று பரிசோதித்துக்கொள்வதாலோ நன்கொடை பெறுவதாலோ அல்லது மருத்துவ பராமரிப்பு சலுகைபெறுவதாலோ கிரீன் கார்டுக்கு அல்லது குடியுரிமைக்கு விண்ணப்பிப்பதில் அவை பாதிப்பை ஏற்படுத்துவதில்லை.
  • வேலையின்மை பலன்களுக்கு விண்ணப்பிக்க உங்களிடம் முறையான சமூக பாதுகாப்பு எண் இருக்கவேண்டும். வேலையின்மை பலன்களைப் பெறுவது குறித்து யாரிடமாவது நீங்கள் பேசவிரும்பினால் 1-800-318-6022 என்ற எண்ணில் அழைக்கலாம்.
  • அரசுதவியை நம்பியிருக்கும் நிலையின் விதிகளின்கீழ் கிரீன் கார்டு அல்லது குடியுரிமை விண்ணப்பிக்கும் உங்கள் திறனுக்கு வேலையின்மை பலன்களைப் பெறுதல் அச்சுறுத்தலாக அமையாது.
  • வாஷிங்டன் மாகாணத்தின் தொகை அளிக்கப்பட்ட குடும்பம் மற்றும் COVID-19 தொற்றினால் நோய்வாய்ப்பட்ட ஒருவரை பராமரிக்கவோ அல்லது வைரஸ் காரணமாக நீங்கள் நோய்வாய்ப்பட்டு உங்களை கவனித்துக்கொள்ள மருத்துவ விடுப்பு எடுக்கவும் நீங்கள் தகுதிபெறலாம். இந்த பலனைப்பெற உங்களுக்கு சமூக பாதுகாப்பு எண் தேவையில்லை. வேறு பலவகையான ஆவணங்களை ESD ஏற்கிறது.
  • நீங்கள் உதவியை நாடும் ஒரு வணிக உரிமையாளராக இருந்தால், Federal Small Business Administration (கூட்டாட்சி சிறு வணிக நிர்வாகத்திடம்) அவசரகால கடன் பெறுவதற்கு விண்ணப்பிப்பது வசிப்போர் அட்டை அல்லது தேசியத்தைப் பெறுவதற்கான உங்கள் திறனைப் பாதிக்காது.

Office of Immigrant and Refugee Affairs (புலம்பெயர்ந்தோர் மற்றும் அகதிகள் விவகாரங்கள் அலுவலகம்) (OIRA) உங்கள் நிலை அல்லது ஒரு குடும்ப உறுப்பினரின் நிலை அல்லது உங்கள் நன்மைகள் குறித்து உங்களுக்குத் தெரியாவிட்டால், ஒரு குடிபுகுவோர் வழக்கறிஞர், குடிபுகுவோர் அதிகாரி அல்லது Department of Justice (நீதித் துறை)யில் (DOJ) அங்கீகரிக்கப்பட்ட ஒரு பிரதிநிதியைத் தொடர்பு கொள்ளுமாறு பரிந்துரைக்கிறது. American Immigration Lawyers Association (அமெரிக்க குடிவரவு வழக்கறிஞர்கள் சங்கம்) வழியாகவும் நீங்கள் வழக்கறிஞரைக் கண்டுபிடிக்கலாம் அல்லது DOJ-அங்கீகரித்த அமைப்பின் இணையதளத்திற்கு செல்லலாம்.

அகதிகளுக்கும் குடிவந்தோருக்கும் உதவ OIRA கீழ்க்கண்டவற்றுக்கான திட்டங்களை வைத்துள்ளது:

  • வேலை தேடுதல் மற்றும் பயிற்சி.
  • குடியேற்ற உதவி.
  • இளையோருக்கான வழிகாட்டுதல்.
  • அகதிகளில் வயதானோர், குழந்தைகள், மாணவர்கள் மற்றும் பிறருக்கு உதவி.
  • COVID-19 தொற்றுகாலத்தில் வழக்கமான நிகழ்ச்சிகள் தொலைவழியில் திறந்துள்ளன. வேலைகளுக்கு அல்லது வேலையின்மைக்கு, உங்கள் கல்வியுதவிக்கு மற்றும் வீட்டுவசதிக்கு உதவி வழங்குவதில் உதவிபுரிய புதிய சேவைகளை அலுவலகம் கொண்டுள்ளது. அகதி ரொக்க உதவி மற்றும் அகதி மருத்துவ உதவிக்கான தகுதி செப். 30, 2020வரை நீட்டிக்கப்பட்டுள்ளது.
  • சேவைகள் மற்றும் கூடுதல் தகவல்களுக்கு, அழைக்கவும்: 360-890-0691.

குடியேறியோருக்கான உரிமைகள், தடுத்துவைக்கப்பட்டுள்ள உறவினர்கள்/நண்பர்களுக்கு பரிந்துரை உதவி மற்றும் பிற தொடர்புடைய தகவல்கள் குறித்த கேள்விகள் இருப்பின், நீங்கள் வாஷிங்டன் குடியேற்ற ஒருமைப்பாட்டு வலைத்தொடர்புக்கான பிரத்யேக எண் 1-844-724-3737 ஐ அழைக்கலாம். தொலைபேசி மொழிபெயர்ப்பு வசதிகள் உள்ளன.

மனம் மற்றும் உணர்வு நலம்

இது ஒரு அழுத்தம் தரக்கூடிய நேரமாக இருக்கக்கூடும். நீங்களோ அல்லது உங்கள் அன்பிற்குரியவரோ தவிப்பு, கவலை, பயம் அல்லது கோபம் கொள்வது இயல்பானதே. நீங்கள் தனியாக இல்லை. உதவியைத் தேடி கேட்டுப்பெறுவது சரியானதே.

மன அழுத்தம் மற்றும் கடினமான சூழல்களில் ஒவ்வொருவரும் வெவ்வேறுவிதத்தில் எதிர்வினைபுரிகின்றனர். நீங்கள் செய்யக்கூடியவற்றில் மிக முக்கியமானது உங்களையும், உங்கள் குடும்பத்தையும் உங்கள் சமூகத்தையும் முடிந்தளவு சிறப்பாகக் கவனித்துக்கொள்வதுதான்.

சவாலான நேரங்களை நீங்கள் சமாளிக்க உதவுவது எது? நண்பர்களையும் குடும்பத்தையும் அடைந்து மீண்டும் இணைந்துள்ளீர்களா? ஒருவேளை கொஞ்சம் ஆழ்ந்த மூச்சுவிடுதல், நீட்டி முடக்கல், கொஞ்சம் உடற்பயிற்சி அல்லது ஒரு நல்ல இரவுத்தூக்கம்? சுய பராமரிப்புக்கு நேரம் ஏற்படுத்திக்கொள்வதில் முன்னுரிமை அளியுங்கள். இருப்பினும் அது உங்களைத் தேடிக் கண்டடைவதாயிருந்து, அழுத்தத்தைக் குறைக்க உதவும்.

Washington Listensஐ 1-833-681-0211 என்ற எண்ணில் அழையுங்கள். தொலைபேசி மொழிபெயர்ப்பு வசதிகள் உள்ளன. COVID-19 தீவிர தொற்றுக்கு பதிலளிக்கும் விதமாக, Washington Listens என்ற ஆதரவுத் திட்டத்தை வாஷிங்டன் துவக்கியுள்ளது. Washington Listens சேவைகளைப் பயன்படுத்துவோர் COVID-19 காரணமாக ஏற்படும் மாற்றங்களை சமாளிக்கவும் அதிகரிக்கும் அழுத்தத்தைக் கையாளவும் உதவி பெறுகிறார்கள். வாஷிங்டனிலுள்ள யாராயினும் ஓர் ஆதரவு வல்லுநருடன் பேசுவதற்கு Washington Listens உள்ளது. அழைப்பவர்கள் அவர்களது பகுதியிலுள்ள சமூக வளங்களுடன் இணைப்பையும் ஆதரவையும் பெறுகின்றனர். இந்தத் திட்டம் அனாமதேயமானது.

நீங்கள் நெருக்கடியில் இருக்கிறீர்கள், யாரிடமாவது ஆலோசனை பெறவேண்டுமென்ற தேவையிருந்தால், சில வழிகள் உள்ளன.

  • Disaster Distress Helpline இயற்கையான அல்லது மனிதரால் ஏற்படும் பேரிடர் தொடர்பாக எழும் உணர்வுரீதியான அழுத்தத்தை அனுபவிக்கும் நபர்களுக்கு உடனடி நெருக்கடி ஆலோசனை வழங்குகிறது. உதவிக்கு 1-800-985-5990 என்ற எண்ணை அழைக்கவும். அவர்கள் பதிலளிக்கையில், உங்கள் மொழியைச் சொல்லி மொழிபெயர்ப்பு சேவைகளைப் பெறலாம். இந்த பிரத்யேக எண் தினசரி 24 மணி நேரமும் செயல்படும்.
  • தனிநபர்கள், குடும்பங்கள் மற்றும் உணர்வுரீதியான நெருக்கடியிலுள்ளோரின் நண்பர்களுக்கு உடனடி உதவி வழங்கக்கூடிய 24 மணிநேர நெருக்கடி இணைப்பு எண்ணை Crisis Connections கொண்டுள்ளது. இது King மாவட்டத்தில் வாழும் மக்களுக்கு சேவையாற்றுகிறது. தொலைபேசி மொழிபெயர்ப்பு வசதிகள் உள்ளன. அழைக்கவும் 1-866-427-4747.
  • National Suicide Prevention Lifeline தற்கொலை குறித்து சிந்திப்போருக்கு தடுப்பு மற்றும் நெருக்கடி நிலையிலான வாய்ப்புகளை வழங்குகிறது. அன்புக்குரியவரும் அவசர உதவி எண்ணை அழைத்து அவர்களது குடும்பம் மற்றும் நண்பர்களுக்கு உதவுவதற்கான வாய்ப்பு வளங்களைப் பெறலாம். அழைக்கவும்: 1-800-273-8255. இந்த பிரத்யேக எண் வாரத்தில் ஏழு நாட்களும் 24 மணி நேரமும் செயல்படும். முன்னாள் இராணுவ வீரர்களுக்கான தனிப்பட்ட உதவி எண் உள்ளது. 1-800-273-8255 என்ற எண்ணை அழைத்து 1 ஐ அழுத்தவும். காதுகேளாதோர் அல்லது கேட்புத் திறன் குறைபாடுடையோர் 1-800-799-4889 என்ற எண்ணை அழைக்கலாம்.
உணவு வளங்கள்

உங்களுக்கு 18 வயது அல்லது அதற்குக் குறைந்தவயதுள்ள குழந்தையிருந்தால் அவர்கள் பள்ளிக்கூடங்களிலிருந்து இலவச உணவு பெறலாம். கல்வித்திட்டங்களுக்கு பதிந்துள்ள குறைபாடுள்ள வயதுவந்தோருக்கும் பள்ளி உணவுகளைப் பெறும் தகுதியுண்டு. பல சமயங்களில், இந்த உணவுகள் பேருந்து நிறுத்தங்கள் போன்ற பள்ளிக்கூடத்துக்கு வெளியிலுள்ள இடங்களில் பட்டுவாடா அல்லது விநியோகிக்கப்படுகின்றன. உங்கள் மாவட்ட பள்ளியைத் தொடர்புகொண்டு அவர்கள் இலவச உணவு வழங்குகிறார்களா என கண்டறியவும்.

கர்ப்பிணிகள், புதிய தாய்மார்கள் மற்றும் ஐந்து வயதுக்குக்கீழ் உள்ள குழந்தைகள் Department of Health-ன் பெண்கள், கைக்குழந்தைகள் மற்றும் குழந்தைகள் (WIC) திட்டத்தின் வாயிலாக உணவைப் பெற முடியும். மொழி உதவிக்கு அழைக்கவும்: 1-866-632-9992.

COVID-19 தொற்று காலத்தின் அதிகரித்த உணவு தேவை காரணமாக உணவு வங்கிகளின் நேரங்கள் மாறியிருக்கலாம் அல்லது வருகை தருவோர் அதிகரிப்பினால் மூடப்பட்டிருக்கலாம். செல்வதற்குமுன் தயவுசெய்து அழைக்கவும். Northwest Harvest iஎன்பது மாகாணம் தழுவிய உணவு வங்கி வலையமைப்பு ஆகும். இந்த இணையதளத்தில் பச்சை பெட்டிக்கு இடதுபக்கமுள்ள பெட்டிக்குள் உங்கள் நகரத்தின் பெயரை தட்டச்சிடவும்.

நீங்கள் கிழக்கு வாஷிங்டனில் வசிப்பவர் எனில் Second Harvest-ல் உள்ள உணவு வங்கிகளின் பட்டியலைக் கண்டறியலாம். உங்கள் பகுதியிலுள்ள உணவுவங்கிகளின் பட்டியலுக்கு இந்த இணையதளத்தில் உங்கள் மாவட்டத்தைத் தேர்ந்தெடுக்கவும்.

அடிப்படை உணவு நன்மை அட்டைகள்

அடிப்படை உணவு நன்மை (EBT) அட்டைகளை உணவை வாங்கப் பயன்படுத்தலாம் மற்றும் இது பலதரப்பட்ட மக்களுக்கு கிடைக்கிறது. U.S. குடிமக்கள் வாஷிங்டன் மாநில Department of Social and Health Services (DSHS) இணையதளத்தில் உள்ள அடிப்படை உணவு பக்கத்தில் இந்த நன்மைக்காக விண்ணப்பிக்கலாம்.

குறிப்பு: இந்த நெருக்கடியின் போது சில பெரியவர்களுக்கான வேலை தேவையை கூட்டாட்சி அரசு இடைநிறுத்தியுள்ளது. இருப்பினும், இந்த நன்மைக்கு தகுதிபெற நீங்கள் U.S. குடிமக்களாக இருக்க வேண்டும் என்று கூட்டாட்சி அரசு தேவைப்படுகிறது.

மற்ற அனைத்து திட்ட தேவைகளையும் பூர்த்தி செய்யும் குடிமக்கள் அல்லாத பலருக்கு மேலே விவரிக்கப்பட்டுள்ளவை போன்ற டெபிட்-ஸ்டைல் கார்டுகள் கிடைக்கின்றன. நீங்கள் இந்த நன்மையைப் பெற DSHS State Food Assistance Program உடன் விண்ணப்பிக்கலாம் (ஆங்கிலத்தில் மட்டும்).

குடும்பங்களுக்கான தகவல்களும் வாய்ப்பு வளங்களும்

மொத்த குடும்பத்துக்குமே இது ஒரு அழுத்தம் தரக்கூடிய நேரம். இந்தச் சூழலை உங்கள் குழந்தைகளோடு எவ்வாறு கையாள்வது என்பதற்கான சில உதவிக்குறிப்புகள் இதோ:

குடும்ப கலந்துரையாடல்களை ஒரு வசதியான இடத்தில் நடத்தி குடும்ப உறுப்பினர்களை கேள்விகள் கேட்க ஊக்குவிக்கவும். சிறு குழந்தைகளிடம் அவர்கள் புரிந்துகொள்ளக்க்கூடிய மொழியைப் பயன்படுத்துவதற்காகவும் அவர்களது பயங்களையும் தவறான எண்ணங்களையும் களையவும் ஒரு தனிப்பட்ட கலந்துரையாடலை நடத்துவது குறித்து யோசிக்கவும்.

அவ்வப்போதைய தகவல்களை நீங்கள் தெரிந்துவைத்திருக்க வேண்டுமெனினும், பயம் அல்லது பீதியைத் தூண்டும் ஊடகங்கள் அல்லது சமூக ஊடகங்களிடமிருந்து தொடர்பைக் குறைத்துக்கொள்ளுங்கள். தீவிர தொற்று குறித்தவைக்கு எந்தளவு ஊடக உள்ளடக்கம் அல்லது சமூக ஊடக நேரத்தின் மூலம் உங்கள் குழந்தைகள் ஆளாகிறார்கள் என்பது பற்றி விழிப்பு (மற்றும் வரையறுத்தலும்) கொண்டிருங்கள்.

குழந்தைகளை கேள்விகள் கேட்க ஊக்குவித்தும் தற்போதைய சூழ்நிலையை குழந்தைகள் புரிந்துகொள்ள உதவியும் அவர்களுக்கு ஆதரவளிப்பதில் கவனம்செலுத்தவும்.

  • அவர்கள் உணர்வுகள் குறித்து பேசச்சொல்லி அவற்றை உறுதிசெய்யவும்.
  • வரைதல் அல்லது பிற நடவடிக்கைகள் மூலம் அவர்களது உணர்வுகளை வெளிப்படுத்த உதவுங்கள்.
  • வைரஸ் எவ்வாறு பரவுகிறது என்பது பற்றிய தவறான தகவல் அல்லது தவறான புரிதல்களை தெளிவுபடுத்தி எல்லா சுவாச நோய்களும் COVID-19 ஏற்படுத்தக்கூடிய நாவல் கொரோனாவைரஸ் அல்ல என்பதையும் விளக்கவும்.
  • ஆறுதலும் கூடுதல் பொறுமையையும் வழங்குங்கள்.
  • சீரான இடைவெளிகளில் அல்லது சூழ்நிலை மாற்றங்களின்போது உங்கள் குழந்தையை மீண்டும் சோதித்துக்கொள்ளுங்கள்.
  • உங்கள் குடும்பத்தின் படுக்கும் நேரம், உணவு நேரம் மற்றும் உடற்பயிற்சி போன்ற திட்டமிட்ட செயல்பாடுகளை சீராக வைத்திருங்கள்.
  • வேறு அழுத்தமூட்டும் சூழல்களில் உங்களையும் உங்கள் குடும்பத்தையும் நன்றாக உணரச்செய்த வாசித்தல், திரைப்படங்கள் பார்த்தல், இசை கேட்டல், கேம்ஸ் விளையாடுதல், உடற்பயிற்சி அல்லது மத நடவடிக்கைகளில் ஈடுபடுதல் (பிரார்த்தனை, இணையவழியில் சேவைகளில் பங்கேற்றல்) போன்ற விஷயங்களில் கவனம் செலுத்துங்கள்.
  • தீவிர தொற்று போன்ற அழுத்தமூட்டும் சூழலின்போது தனிமையுணர்வு, சலிப்பு, நோயால் பாதிக்கப்படுவோமோ என்ற பயம், தவிப்பு, அழுத்தம் மற்றும் பீதி போன்ற உணர்வுகளை இயல்பான எதிர்வினைகளாக அடையாளம் காணுதல்.
  • உங்கள் குடும்பத்துடன் அர்த்தமுள்ள செயல்பாடுகளிலும் கேளிக்கைகளிலும் சமூக மதிப்புள்ளவைகளிலும் ஈடுபடுத்திக்கொள்ள உதவுங்கள்.
கூடுதல் வாய்ப்பு வளங்கள் மற்றும் தகவல்கள்

Washington State Commission on Asian Pacific American Affairs (CAPAA)